Ginaduso ni House Speaker Martin Romualdez ang madasig apang maid-id nga imbestigasyon sa alegasyon nga may duha ka police generals kag iban pa nga mataas nga opisyal halin sa Philippine National Police nga nagtuyo nga tabunan ang iregularidad sa pagkumpiskar sang 990 kilo ukon P6.7 billion nga balor sang shabu halin sa isa man ka pulis sang 2022.
Kun balikan, 49 ka personnel sang Philippine National Police – Drug Enforcement Group ang nagapangatubang sang kriminal kag administrative nga salabton bangud sa amo nga “cover-up.”
Nagpahayag man ang house speaker sang pagka-dismaya kun ngaa may mga pulis nga involved sa amo nga iligal nga buluhaton sa baylo nga sila kuntani ang manglagas sang mga durugista.
Nagapati si Romualdez nga dapat man nga i-reorganize sang Philippine National Police ang drug unit sang police force kasunod sang amo nga hitabo.
Matandaan nga sang nagligad nga semana sang ginbuyagyag ni Department of Interior and Local Government Secretary Benhur Abalos nga ang duha ka police generals nga involved amo sanday Police Lt. Gen. Benjamin Santos kag Brig. Gen. Narciso Domingo nga amo ang gin-relieve nga pinuno sang Drug Enforcement Group.
Ang cover-up ang para kay Pol. Master Sgt. Rodolfo Mayo Jr. nga amo ang nakuhaan sang balor P6.7 billion nga shabu sa Tondo, Manila sang Oktubre 2022.
Kasunod sadto, may yara sang imbestigasyon nga ginduso sa Senado, samtang sa Kamara naman, nagpanawagan si Committee on Dangerous Drugs Chairman kag Surigao del Norte 2nd district Rep. Robert Ace Barbers sa police assets nga magpalapit kag i-address ang amo nga alegasyon. ##
