ILOILO CITY – Minilyon ka mga tawo sa bug-os kag luwas sang United Kingdom ang nagapreparar na para sa coronation ni King Charles III.
Ini ang natalana nga patigayunon sa Mayo 6 sa Westminister Abbey nga ginalakipan sang symbolic ceremony kag religious service.
Suno kay Bombo Ramil Isogon, international correspondent sa United Kingdom, maga-umpisa ang formal celebrations paagi sa prusisyon sa Buckingham Palace pakadto sa Westminster Abbey.
Ginpahayag dugang sang natungdan nga nalakip sa mga magatambong sa coronation amo sanday Prince Harry nga iya anak kag ang Duke sang Sussex; United States of America First Lady Jill Biden; Australian prime minister Anthony Albanese; kag Canadian prime minister Justin Trudeau.
Nalakip man sa matambong suno kay Isogon amo sanday President Ferdinand Marcos Jr. kag First Lady Louise Araneta-Marcos.
Nahibaluan nga ang seremonya ang nagatuyo nga i-formalize ang papel sang monarch bilang head sang Church sang England kag pagsaylo sang title kag powers.
Sa tion sang seremonya, koronahan si King Charles kaupod si Camilla Parker Bowles bilang Queen Consort sang England.
