Gin-anunsyo sang Land Transportation Office (LTO) nga extended na sa tatlo ka tuig ang validity sang tanan nga bag-o nga motorcycle registrations.
Antes ang amo nga anunsyo, ang mga motor lamang nga may engine displacements nga at least 201 cubic centimeters ang kwalipikado para sa tatlo ka tuig nga validity sa ila nga initial registration sa LTO.
Apang sa statement sang opisina paagi sa Memorandum Circular No. JMT-2023-2395, ginpahayag nga extended naman sa tatlo ka tuig ang validity sang vehicle registration sa mga motor nga may engine displacement nga 200cc kag mas manubo pa.
Suno kay LTO Chief Jose Arturo “Jay Art” Tugade, ini nga inisyatibo ang kabahin sang mga tikang sang opisina agud nga mas mangin mahapos ini para sa naga-transact.
Ginalauman nga duha ka milyon ka units sang motor ang maka-benepisyo sini nga pagsulundan sa 2023.
