ILOILO – Bukas na sa mga naga-edad 18 anyos pataas ang pag-avail sang booster shots sa Iloilo Province.
Sa interview sang Bombo Radyo kay Dr. Maria Socorro Quiñon, pinuno sang Iloilo Provincial Health Office, iya ginpahayag nga indi lamang ang mga frontline healthcare workers, senior citizens, kag persons with comorbidities ang mahimo nga makabaton sang second booster shots, kun di nalakip man ang general population.
Samtang, ginadumilian naman ang mga naga-edad sang lima tubtob 17-anyos bangud wala pa sang basehan nga pwede na ang mga ini nga maka-avail sang booster shot.
Gani, gina-engganyo ni Dr. Quiñon ang publiko nga magpabakuna sang second booster kadungan sang pagtaas sang kaso sang coronavirus disease 2019 sa probinsya.
Ginpahayag dugang sang natungdan nga may nag-abot na nga Pfizer vaccines halin sa Department of Health nga ginalakipan sang 1,000 vials ukon 60,000 doses.
Nagpanugyan naman ang Iloilo Provincial Health Office sa publiko nga mahimo na nga makapadulong kag magpabakuna sa Iloilo Provincial Capitol Grounds humalin Lunes tubtob Byernes.
