DUMANGAS, ILOILO – Kritikal ang magulang matapos ginbuno sang kaugalingon sini nga manghod sa Barangay PD Monfort North, Dumangas, Iloilo.
Ang biktima amo si Jasim Artagame, 39 anyos, temporaryo nga naga tinir sa nasambit nga lugar samtang ang suspek naman amo si Hedie Artagame 36,kag ang duha ang lunsay residente sang Brgy. San Florentino, San Rafael, Iloilo.
Ang suspek naman amo si Hedie Artagame 36, residente sang Brgy. San Florentino, San Rafael, Iloilo.
Sa interview sang Bombo Radyo kay Police Master Sgt. Efren Gonzaga, duty officer sang Dumangas Municipal Police Station, iya ginpahayag nga upod sa ilimnan ang mag-utod kag sang nahubog, nagbais ang mga ini.
Ang ila nga ginbaisan amo ang away sa ila duta sa banwa sang Santa Barbara, Iloilo.
Diri kag ginlampusan sang magulang ang iya manghod sang tubo kag naigo ini sa guya.
Naimpito naman ang manghod kag ginbuno ang iya magulang sa nawala nga kilid.
Nagtuyo pa kuntani nga magpalagyo ang suspek, apang nadakpan ini sa ginpatigayon nga hot pursuit operation.
Sa subong,preso ang suspek sa Dumangas Municipal Police Station.
Ginahulat naman sang mga otoridad kun pasakaan sang kaso sang magulang ang iya manghod.
