ANILAO, ILOILO – Arestado ang top 2 most wanted person sang banwa sang Anilao, Iloilo.
Ini amo si Beno Falan alias ‘Tolanoy’ 36, residente sang Brgy. Poblacion, Anilao, Iloilo apang nadakpan sa Barangay Tabucan, Barotac Nuevo.
Sa interview sang Bombo Radyo kay Police Major Jose Nemias Pamplona, hepe sang Barotac Nuevo Municipal Police Station, iya ginpahayag nga may kaso nga rape by carnal knowledge si Falan.
Ini ang naaresto pinaagi sa gahom sang warrant of arrest nga ginpapanaog ni Hon. Oscar Leo Sancho Billena,Presiding Judge, sang Regional Trial Court, 6th Judicial Region, Branch 70, Barotac Viejo, Iloilo.
Suno kay Pamplona, nadakpan si Falan pinaagi sa gintingob nga pwersa sang Barotac Nuevo Municipal Police Station kag Anilao Municipal Police Station pinaagi sa ila hepe nga si Police Captain Maria Fe Umetin.
Sa subong, preso na si Falan sa Barotac Nuevo Municipal Police Station.
