Ginatun-an na sang gobyerno ang mga proposal nga ibalik sa Marso ang summer break ukon bakasyon sang mga estudyante sa eskwelahan.
Sabat ini ni President Ferdinand ‘Bongbong’ Marcos Jr. sang ginpamangkot ini kun pabor nga i-adjust liwat ang school break bangud sa tuman ka init nga tyempo nga gina-antos sang mga estudyante kag mga personnel sa eskwelahan.
Kun balikan, ginsaylo sa Hunyo tubtub Hulyo ang bakasyon sang mga estudyante bangud sa COVID-19 pandemic.
“Pinag-aaralan natin mabuti yan dahil nga maraming nagsasabi, tapos na ang lockdown, karamihan ng eskuwela ay face-to-face na. Kakaunti na ang hindi na,” suno sa presidente.
Apang gin-mensyonar man ni Marcos nga may mga factor nga ginalantaw kaangay sang pagsaka liwat sang Coronavirus cases kag ang indi mapaktan nga tyempo.
“Since hindi na tayo naka-lockdown, ibalik na natin siguro dati but kung kailan kasi ang gagawin ang actual na semester, kailan mag-uumpisa ang bakasyon ay hindi pa nade-decide dahil mayroon pa rin tayong mga cases na nakikita natin na [yung] COVID umaakyat naman ‘yung replication rate, umaakyat naman,” dugang ni Marcos.
Kun matandaan, si Senator Sherwin Gatchalian nga chairman sang Senate committee on basic education ang una nagpahayag nga dapat ibalik ang bakasyon sang mga estudyante nga dungan sa summer season bangud apektado gid sang init ang mga nagakadto sa eskwelahan.
Mangin ang Alliance of Concerned Teachers ang nagsuporta man nga ibalik ang schedule sa pre-pandemic academic calendar sa labing-madali nga tion.
