ILOILO – Nag-engkwento sang katapo sang 82nd Infantry Battalion sang Philippine Army kag rebelde nga grupo sa Brgy. Barasalon, Janiuay, Iloilo.
Sa interview sang Bombo Radyo kay Police Captain Alwin Salmon, hepe sang Janiuay Municipal Police Station, iya ginpahayag nga nagapatigayon sang pagpatrol ang militar sang naengkwentro nila ang mga rebelde.
Suno kay Salmon, ginabanta 15 ka mga rebelde ang naengkwentro sang militar.
Naglawig naman sang 15 minutos ang engkwentro sa diin ginahibalo pa kun may napilasan sa bahin sang mga rebelde.
Gin-athag naman sang otoridad nga wala sang pilason sa tropa sang gobyerno.
Sa subong, padayon pa ang operasyon agud madakpan sang nasambit nga mga rebelde.
