Nagpasalig ang Marcos Jr. administration nga padayon nga ihatag ang kahilwayan sa mga katapo sang media sa Pilipinas.
Kabahin ini sang speech ni President Ferdinand “Bongbong” Marcos Jr. kadungan sang ika-50 nga anibersaryo sang Kapisanan ng mga Brodkaster ng Pilipinas (KBP).
Ginkilala ni Marcos ang papel nga ginatungdan sang mga media practitioners nga naga-impluwensya sa opinyon sang publiko kag amo man sa paghatag sang dugang nga ihibalo sang mga tawo.
Naghingyo man ini sa organisasyon sang broadcast media networks nga padayon nga pangunahan ang public discussions kag ang pagtib-ong kun ano ang matuod.
“I exhort the KBP to continue your very important work with our people and with the government—addressing, and remedying the issues and challenges that we face. Take the lead and foster public discussions, truth, and credibility,” pahayag sang presidente.
“For its part, this government will remain committed to ensuring transparency and good governance, freedom of expression and of the press, and the protection of media practitioners and their rights in the practice of their profession,” dugang pa sini.
Na-establisar ang KBP sang Abril 27,1973 agud ma-promote ang professional kag ethical standards sa broadcasting sa Pilipinas mangin sa radyo man ukon sa telebisyon.
