Tun-an sang Department of Agriculture (DA) ang proposal nga hatagan sang P15,000 nga ayuda ang mga mangunguma kag manugpangisda sa tunga sang ginapaabot nga El Niño sa pungsod.
Suno kay DA field operations service officer-in-charge U-Nichols Manalo, kinahanglan pa nga may yara sang pormal nga request nagikan sa agricultural workers agud makit-an gid sang ahensya ang breakdown kag agud matumod kun sanday sin-o ang partikular nga maka-benepisyo sa production subsidy.
Una na nga ginpahayag sang grupo nga Kilusang Magbubukid ng Pilipinas nga ini nga subsidiya ang makabulig sa agricultural workers sa tunga sang ginalantaw nga mga pagpanghangkat sa produksyon nga dal-on sang El Niño sa pungsod.
Gingamit man sang grupo ang government data kun sa diin nakasad nga posible 13.6 million ka fishery kag agricultural workers ang posible nga mabuhinan ang produksyon bangud sa tuman nga init.
