ILOILO CITY – Nadugangan pa ang speculation sang mga fans nga may relasyon sanday Matty Healy kag Taylor Swift sang nakit-an ang 1975 frontman sa “The Eras” concert sang “All Too Well” hitmaker sa Nashville.
Sang damlag lang, ginhuring-huring nga naga-date ang duha matapos ginbuyagyag sang wala ginhingadlan nga source nga sanday Matty kag Taylor ang “madly in love” sa isa kag isa.
Suno pa sa insider, nagtambong sa concert ni Taylor si Matty agud nga magpakita sang iya suporta sa Grammy-winning singer-songwriter.
Wala pa sang pahayag ang duha may kaangtanan sa dating rumors.
Sang nagligad lang nga bulan sang gin-report nga bulagay na sanday Taylor kag ang British actor nga si Joe Alwyn matapos ang anum ka tuig nga pag-date.
Ang breakup nga ginapahayag nga nangin “amicable” kag “indi dramatic” bangud sang magkatuhay nga personalities.
