ILOILO – Tatlo ka nga banwa sa probinsya sang Iloilo ang gin-atake sang rice black bugs.
Sa interview sang Bombo Radyo kay Dr. Ildefonso Toledo, Provincial Agriculturist, iya ginpahayag nga ang banwa sang Concepcion, Pototan kag Cabatuan ang may reported nga rice black bugs.
Suno kay Toledo, sinako nga mga rice black bugs ang natipon sa Barangay Aglosong, Concepcion.
Pahayag niya, tuman kasanag ang suga sa basketball court rason nga gin-amag ini sang rice black bugs.
Dugang pa sang natungdan, indi ini una nga tion nga nag atake ang rice black bugs bangud sang nagliligad nga mga tinuig, natabo man ini sa banwa sang Ajuy.
