Ginhingyo ni President Ferdinand Marcos, Jr. kay Indonesian President Joko Widodo nga tun-an liwat ang kaso sang Filipina death row convict nga si Mary Jane Veloso.
Suno pa sa presidente, wala gid nangin maid-id kag malawig ang ila nga istoryahanay sang Indonesian president bangud masako man ini kadungan sang Association of Southeast Asian Nations summit.
Apang ginpahayag ni Widodo suno kay Marcos nga may mga layi nga kinahanglan sundon sa Indonesia, kag diri man nagsabat si Marcos nga i-reexamine ang amo nga kaso sang Pinay overseas worker.
Na-convict si Veloso sa drug trafficking kag ginsentensyahan sang kamatayon sang 2015 matapos nakit-an sang otoridad ang 2.6 kilograms sang heroin sa iya nga bagahe sang 2010.
Gin-insister ni Veloso nga inosente siya kag ang luggage ang ginhatag lamang sang iya recruiters nga sanday Maria Cristina Sergio kag Julius Lacanilao.
Sa una nga state visit ni Marcos sa Indonesia, matandaan nga pormal nga nag-request si Foreign Affairs Secretary Enrique Manalo sa iya counterpart sa Indonesia nga hatagan sang executive clemency si Veloso. #
