Mahimo na mabaton sang tanan nga kuwalipikado nga mga empleyado sang gobyerno ang ila nga midyear bonus umpisa subong nga adlaw, Mayo 15.
Suno sa Department of Budget and Management (DBM), ang mid-year bonus ang katumbas sang isa ka bulan nga basic pay kag dapat nga ihatag sa sa mga empleyado nga naka-render sang total ukon aggregate sang apat ka bulan nga serbisyo halin sang Hulyo 1 2022 tubtub Mayo 15, 2023.
Dapat nga ang empleyado ang yara man sa gobyerno as of May 15, kag dapat nga may yara sang maayo nga performance rating.
Suno kay DBM Secretary Amenah Pangandaman, ang midyear bonus ang nakapain gid sa idalom sang 2023 General Appropriations Act (GAA), gani dapat nga i-release gilayon sang opisina kag siguruhon nga wala sang delay ang bonus sang mga empleyado.
Ang midyear bonus ang ihatag sa tanan nga posisyon para sa civilian personnel halin sa regular, casual, ukon contractual, appointive ukon elective, fulltime ukon part-time sa Executive, Legislative, kag Judicial branches.
Sakop man sini ang Constitutional Commissions kag iban pa nga Constitutional Offices, State Universities and Colleges, kag Government-Owned or -Controlled Corporations, kag local government units.
Lakip man diri ang military personnel sang Armed Forces of the Philippines kag uniformed personnel sang Philippine National Police, Philippine Public Safety College, Bureau of Fire Protection, kag Bureau of Jail Management and Penology, Bureau of Corrections, Philippine Coast Guard, kag ang National Mapping and Resource Information Authority. #
