Nagsabat na si former President kag subong Pampanga Representative Gloria Macapagal-Arroyo kasunod sang huring-huring nga ginaplano sini kun paano pahalinon si Speaker Martin Romualdez bilang pinakamataas nga opisyal sa Kamara.
Kasunod ini sang pagboto sang mga myembro sang Kamara nga islan siya ni Pampanga Rep. Aurelio “Dong” Gonzales, Jr. bilang Senior Deputy Speaker.
Gin-athag ni Arroyo nga ang amo nga tikang sang mga mamalidha ang makabig nga prerogative sang Kamara.
Gin-athag man sini nga ang iya nga byahe sang damlag lang kaupod ang iban nga mamalidha padulong sa Korea ang nagatuyo lamang nga matiglawas niya ang iya nga distrito, suportahan si Romualdez kag President Bongbong Marcos, kag gamiton ang iya nga eksperyensya bilang anay presidente agud nga makabulig kun kinahanglanon.
Gin-klaro man sini nga interes man niya nga panubuon ang tensyon sa tunga sang Amerika kag China bangud nangin suod siya nga kaalyado sang duha ka pungsod sang tion nga siya pa ang presidente.
Sa pagtapos sang statement sang former president, ginhingyo sini sa mga katapo sang iya partido nga padayunon ang suporta kay Romualdez bilang lider sang 19th Congress kag bilang ila nga party president. #
