ILOILO CITY – Ginpanginwala ni former United States of America President Donald Trump ang dinosena nga criminal counts sa mishandling sang government secrets sa iya historic first appearance sa federal court.
Ini na ang ikaduha niya nga arraignment kadungan sang iya pagpangatubang sang pinakamalala nga legal threats, 10 ka semana pagkatapos ini gin-charge sang felonies sa Manhattan bangud sa hush money payments sa isa ka porn star.
Nagpadulong si Trump sa Miami court kun sa diin, nagapangatubang ini sang 37 ka mga charges nga ginpasaka sang gobyerno kasunod sang isa ka imbestigasyon nga ginbuksan matapos gin-raid sang Federal Bureau of Investigation ang iya mansion sa Florida.
Suno sa iya abogado nga si Todd Blanche, nag-plead si Trump nga “not gulity”.
Sa Truth Social platform, ginpahayag ni Trump nga ini na ang isa sa pinakamasubo nga adlaw sa maragtas sang Estados Unidos.
