ILOILO CITY – Nagpasalig ang Commission on Elections nga hatagan sang additional honoraria ang mga manunudlo nga magaserbe sa pilot testing sang early voting para sa vulnerable sectors.
Suno kay Commission on Elections Chairman George Garcia, nagaplano sila nga magpatuman sang early voting sa duha ka mga lugar sa pungsod.
Dugang pa niya, nagakadapat nga mabayran ang dugang nga oras nga iserbe sang mga manunudlo agud nga magbulig sa mga tigulang, may kasablagan, nagabusong, kag mangin ang mga indigenous people.
Ini ang magaserbe nga contingency measure agud nga ang mga yara sa vulnerable sector ang maka-eksperyensya sang kasulhay sa pagboto sa tion nga indi pa mapasar ang hangna antes ang October 30, 2023 barangay polls.
Samtang, ginpahayag ni Garcia nga ipaidalom sa training ang mga manunudlo nga magaserbe sa Barangay kag Sangguniang Kabataan Elections nga magasugod sa Agosto.
Namanduan na ang mga regional directors nga magpasa sang listahan sang mga manunudlo nga magaserbe sa palaabuton nga pinili-ay agud nga mahanda na sang commission ang honoraria nga ihatag sa ila.
Para sa 2023 Barangay kag Sangguniang Kabataan Elections, ginpahayag ni Garcia nga mga manunudlo nga magaserbe bilang poll workers ang makabaton sang P8,000 tubtob P10,000 nga honoraria, nga mas mataas kun ikumpara sa nagligad nga yara lamang sa P4,000 tubtob P6,000.
