ILOILO CITY – Suportado sang Office of Civil Defense ang panawagan nga magtukod sang Department of Disaster Resilience ukon ano man nga kaangay nga ahensya agud nga masolbar ang krisis sa ulihi.
Suno kay Office of Civil Defense Administrator Ariel Nepomuceno, sa subong, ang iya ahensya ang may mandato nga magpakig-angut sa local government units may kaangtanan sa disaster preparedness kag logistics.
Dugang pa niya, matuod nga nagapanugyan ang disaster officials sa mga indibidwal nga nagapuyo sa permanent danger zones sang aktibo nga mga bulkan nga magbiya na sa lugar, ang desisyon ang nakasandig sa gihapon sa local government.
Pahayag sang natungdan, Office of Civil Defense ang tubtob lamang sa koordinasyon kag nagakinahanglan sang mabaskog nga otoridad kaangay sang departamento.
Ang paghimo naman sang bureau, independent bureau, ukon department ang may yara sang madamo nga mga problema kaangay sang budget constraints.
Suno pa sa opisyal, ang pagtukod sang disaster resilience department ang makabulig agud nga matutukan ang mga programa sa nagkalain-lain nga ahensya nga ginakabig nga pinaka-importante nga aspeto.
Ginatugyan na lamang niya sa Kongreso kag sa Malacañang ang amo nga butang.
