Opisyal na nga gin-welcome sang Golden State Warriors ang bag-o nga myembro sang team nga amo ang 38-anyos nga veteran point guard nga si Chris Paul!
Ginpahayag naman sang 12-time All-Star nga nakaupod na siya sa iya bag-o nga teammates sa Warriors.
Suno kay Paul, naka-work out na siya upod ang iya bag-o nga backcourt mate nga si Stephen Curry sa Warriors’ facility sa Las Vegas, Nevada.
Matandaan nga sa offseason, gin-trade si Paul sa Warriors halin sa Washington Wizards sa blockbuster deal kun sa diin featured si Jordan Poole.
Sa tatlo ka ulihi nga seasons, yara si Paul sa Phoenix Suns kun sa diin sa 59 games sa Suns, naka-average siya sang 13.9 points sa 44% nga shooting halin sa field kag may yara naman sang 8.9 assists kag 4.3 rebounds sa 32 minutes per game.
Matapos ginpakilala si Paul, sunod man nga nakit-an sila nga duha ni Curry sa Summer League sa Las Vegas.
Yara ang duha sa courtside para sa Warriors Summer League contest batok sa New Orleans Pelicans.
