Nagpaguwa ang Malacañang sang executive order kun sa diin gin-deklarar ang “Walang Gutom 2027: Food Stamp Program” bilang flagship program sang national government.
Pirmado ni Executive Secretary Lucas Bersamin ang Executive Order (EO) No. 44 naga-establisar sang food stamp program bilang isa ka major government initiative.
Sa idalom sang amo nga EO, ang Department of Social Welfare and Development amo ang mangin lead agency sa amo nga programa.
Ang amo man nga ahensya ang magadihon sang implementing rules sang EO nga may koordinasyon sa iban nga national government agencies kag local government units.
Ini nga food stamp program nagatuyo nga buhinan ang mga kaso sang kagutom sa pigado nga mga pumuluyo ukon sa low-income households paagi sa paghatag sang cash aid ukon monetary-based assistance nga ipaagi sa Electronic Benefit Transfer cards.
