Ginpasaka pa sa High Alert ang alert status sang provincial police office sa Cotabato kasunod sang engkwentro sa Talitay, Pagalungan, Maguindanao Del Sur sa tunga sang 602nd Infantry Brigade sang Philippine Army kag Dawlah Islamiya, isa ka terrorist group nga naangot sa Islamic State of Iraq and Syria.
Sa amo nga engkwentro, 10 ka myembro sang Dawlah Islamiya ang napatay sang naggamit ang militar sang 155 Howitzer cannons kag naghulog man ang aircraft sang mga bomba sa pugaran sang grupo sa northern side sang Liguasan Delta sang Huwebes sang aga.
Ginhimo sang militar ang amo nga opensiba kasunod sang reports sang mga opisyal sa Montawal kag Pagalungan sa Maguindanao del Sur kag Pikit, Cotabato nga may nakt-an ang mga residente nga mga myembro sang Dawlah Islamiya nga may ginapangbutang nga improvised explosive devices.
Bilang precautionary measure, nagpatuman ang pulis sang checkpoints sa bilog nga probinsya.
