ILOILO CITY- Gin-ban sang gobyerno sang Pilipinas paagi sa Department of Agriculture (DA) ang importasyon sang poultry kag iban nga poultry products halin sa Belgium kag France sa tunga sang outbreak sang bird flu sa nasambit nga mga pungsod sa Europa.
Suno kay Agriculture Secretary Francisco Tiu Laurel, ang pag- ban ang kasunod sang report sang amo nga mga pungsod sang outbreaks sang Highly Pathogenic Avian Influenza (HPAI) sa domestic birds sa World Organization for Animal Health (WOAH).
Dugang sang ahensya, ang pagdumili sa poultry kag poultry products halin sa duha ka nasyon ang importante agud mapunggan ang possible entry sang HPAI-H5N1 sa Pilipinas.
Santo sa record sang 2023,ang Philippine importation sang poultry meat ang naglab-ot sa 426,620 metric tons kun sa diin 0.01% ang halin sa France kag 0.59% ang halin sa Belgium.
Dugang ni Tiu, ang import bans ang magapadayon tubtob indi ini pag-revoke sang ahensiya.
