ILOILO CITY- Nakapangita sang kaapin ang Filipino-American comedian Jo Koy paagi sa Oscar winner nga si Whoopi Goldberg matapos gin-ulan sang kritisismo ang iya pag-host sa 81st Golden Globe sa Beverly Hills, California sang damlag lang.
Suno kay Goldberg, wala ini sang mahambal kay Jo Koy kundi pagdayaw sa iya nangin performance bilang host.
Pahayag pa sang aktres, indi mahapos ang magtindog nga host sa isa ka prestihiyoso nga award ceremony.
Ginpahayag man ni Whoopi nga mangin siya sadto ang nakabaton man sang kritisismo sa iya hosting jobs.
Matandaan nga nangin kontrobersyal ang Fil-Am nga komedyante sang nag-lango-lango ini kay American singer-songwriter nga si Taylor Swift angot sa air time nga ginahatag sa iya sa Golden Globes kag ginpa-anggid ini sa National Football League games.
Suno kay Jo Koy, gamay lang ang exposure ni Taylor sa Golden Globes, indi kaangay sang National Football League nga tanan nga camera ang nakatutok
Ginsaylo naman ang camera kay Taylor nga yara sa audience sa diin nakit-an ini nga nagyam-id antes nag-inom sang champagne kag nagtulok sang masakit kay Jo Koy.
