Gin-ban sang Department of Agriculture ang mga poultry products halin sa Japan bangud sa outbreak sang avian influenza ukon bird flu sa amo nga pungsod.
Nakabutang ini sa memorandum nga ginpagwa ni Agriculture Secretary Francisco Tiu Laurel Jr. nga amo man ang nagasuspinder sang import clearances para sa Japanese wild birds, poultry, kag poultry products.
Nobyembre 2023 sang gin-report sang Japanese Ministry of Agriculture, Forestry and Fisheries ang outbreak sang Highly Pathogenic Avian Influenza sa World Organization for Animal Health.
Nagsugod ini nga outbreak sang Nobyembre 24 sa Kashima City sa Saga Prefecture.
Matandaan nga antes ang lihok sang DA, gin-ban man sini ang poultry imports halin sa California kag Ohio, USA; France; kag Belgium bangud sa kaangay man nga rason.#
