ILOILO CITY- Nagbalik na si Prince Harry sa United Kingdom agud makita ang iya amay nga si King Charles III matapos ang makakilibot nga anunsyo sang Buckingham Palace nga may yara sang cancer ang hari.

Halin sa California, nakit-an ang Duke of Sussex nga sakay sa SUV pasulod sa Clarence House nga amo ang residence sang hari sa London.

Kasunod sang pagbalik ni Harry, nagguluwa naman ang espekulasyon nga may matabo nga reconciliation sa iya pamilya apang santo naman sa royal source, wala sang plano si Harry nga makigkita sa iya utod nga si Prince William samtang yara ini sa London.

Wala naman gindetalye kun sa diin sa Britanya magatinir sa Harry.

Matandaan nga sang nagligad nga tuig, ginbakantehan sang mga Sussexes ang ila official residence sa Frogmore Cottage sa Windsor kag sang nagbisita man ini sang nagligad nga tuig para sa koronasyon sang iya amay nga hari, ginreport nga sa isa ka hotel sa London lamang ini nagtinir.

Ini matapos nagdesisyon si Harry nga magseparar sa royal family kag talikdan ang iya royal duties kaupod ang asawa nga si Meghan, Duchess of Sussex.