Lauman nga maga-upod man ang American Chief Executive Officers (CEOs) sang mayor nga mga korporasyon kadungan sang landmark presidential trade kag investment mission sang Estados Unidos sang Amerika sa Pilipinas sa Marso 11 tubtub sa Marso 12 subong nga tuig.
Magapanguna sa amo nga trade mission si US Commerce Secretary Gina Raimondo.
Suno kay Philippine Ambassador to the United States Jose Manuel Romualdez, diri makit-an kun ano kadaku ang pagsaka sang investment interest sa idalom sang Marcos administration amo man ang pagsuod sang economic kag defense ties sa Estados Unidos sang Amerika.
Dugang sini, lain ini ipaanggid sa pagpakigsuod ni anay President Rodrigo Duterte sa China nga makabig naman nga daku nga competitor sang USA.
Suno pa kay Romualdez, ginahitso pa ang pinal nga lista sang Chief Executive Officers kag mga korporasyon nga maga-abot.
Ini nga high-level United States Presidential Trade Mission ang kabahin sang napasalig sang Amerika sa idalom sang 123 Agreement nga pirmado nanday United States President Joe Biden kag President Ferdinand Marcos, Jr. sang Nobyembre sang nagligad nga tuig.
Nahibaluan nga base sa Philippine Economic Zone Authority (PEZA), ang Estados Unidos sang Amerika ang ikaduha nga pinakadaku nga foreign investor sa economic zones sini nga may 14.16% sang registered business enterprises.#
