Nagnubo sa 1.8-million ang numero sang mga Pinoy nga wala sang trabaho sang Pebrero halin sa 2.15-million nga na-rekord sang Enero.
Suno sa pinakaulihi nga report sang Philippine Statistics Authority, katumbas ini sang unemployment rate nga 3.5 percent nga mas manubo ipaanggid sa 4.5 percent nga napagkit sa pungsod sang Enero subong nga tuig.
Sa amo man nga report, nakabutang nga 6.08-million ka mga Pinoy ang underemployed sang Pebrero nga mas manubo sa 6.39 million sang una nga bulan.
Kun ibutang sa porsyento, 12.4 percent ang underemployment rate sa Pebrero halin sa 13.9 percent sang Enero.
Una na nga ginpahayag sang National Economic and Development Authority nga mas ginapabaskog pa sang Marcos administration ang mga lihok agud nga mataytayan ang industriya, academe, kag public sector agud nga mabuhin-buhinan ang problema sa skill mismatches sa labor market.
(Photo Courtesy: IBON Foundation)
