ILOILO CITY- Magalunsar ang Japan sang kaugalingon nga dating app bilang kabahin sang pagtinguha sang gobyerno nga mapataas ang nagasarurot nga national birth rate.
Suno sa Tokyo official, ang mga users sang application ang i-require nga magpasa sang documentation nga nagapamatuod nga sila ang legally single kag magpirma sang sulat nga handa sila nga magpakasal.
I-require man ang tax certificate slip bilang pamatuod sang annual salary sang user sang app.
Pahayag sang official, 70 percent sa mga tawo nga gusto magpakasal ang indi man aktibo sa pag-intra sa mga events ukon apps agud magpangita sang partner.
Indi na bag-o para sa Japan nga mag -organize sang matchmaking events bangud sa pagnubo sang birth rate sang 2023, apang tumalagsahon lang nga may mag- develop gid sang app.
Nahibaluan nga nagapangatubang subong ang Japan sang labor shortages bangud sa nagagamay nga populasyon sang mga bataon nga amo ang kinahanglan para sa nagkalain- lain nga trabaho.
