ILOILO CITY- Ginselebrar sang mga Filipino sa Poland ang ika-50 nga anibersaryo sang Philippines-Poland Diplomatic relations.
Suno kay Bombo Neva Intrepido Kessler, isa sa mga imbitado sa kahiwatan, ini nga dako nga selebrasyon ang gintambungan sang delegasyon sang Pilipinas sa pagpanguna ni Philippine Ambassador to Poland Leah Basinang-Ruiz.
Sa bahin naman sang Poland, nagtambong sa kahiwatan si Secretary of State of the Ministry of Foreign Affairs of the Republic of Poland, His Excellency Wladyslaw Teofil Bartoszewski.
Pahayag ni Kessler, ini ang selebrasyon sang mas ginpabakod nga business, cultural, education, artistic, kag iban nga people-to-people interactions, nga nangin pundasyon para sa mapag-on nga relasyon sa tunga sang duha ka mga pungsod.
Dugang ni Kessler, importante man ini nga kahiwatan bilang pagpakita sang pagbuligay sang duha ka pungsod sa patag sang kooperasyon sa defense sector, negosasyon sa cooperation agreements, kag padayon nga pagsanyog sang trade kag investments sa magtimbang nga nasyon.
