ILOILO CITY-Lubos nga ginakalipay sang madamo nga mga manunudlo ang pag-resign ni Vice President Sara Duterte bilang tiglikom sang Department of Education.
Sa interview sang Bombo Radyo kay Mr. Vlademir Quetua, President sang ACT Teachers, iya ginpahayag nga ang resignation ni VP Sara ang kaangay sang nagabot nga tunok sa dughan sang mga manunudlo kag sa sektor sang edukasyon.
Filipino students, ikaduha sa pinakaulihi sa creative thinking —PISA – Bombo Radyo Iloilo
Suno kay Quetua, kun balikan,wala gid sang bisan isa ka problema sa edukasyon nga naresolbra si Duterte,sa baylo, wala ini sang iban nga ginhimo kundi i-red-tag ang ila grupo bangud sa ila mga panawagan.
Dugang niya, wal gid ginpamatian ni Duterte ang singgitan sang mga manunudlo nga pataasan ang ila sweldo kag paayuhon ang ila benepisyo, sa baylo, mas nangin masako ini sa pagsiguro nga may makuha ini nga confidential kag intelligence funds para sa iya mga pulitikal nga katuyuan.
Pahayag pa niya, tuman ka damo nga basura ang ginbilin ni Duterte kag kun sin-o man ang mangin masunod nga tiglikom ang may dako nga responsibilidad nga tinluan ini.
Kaangot diri, nagpanawagan naman ang Teachers’ Dignity Coalition kay Presidente Marcos nga indi mag- appoint sang pulitiko bilang masunod nga education secretary.
