Indi gid ma-negar nga may mga tawo nga nahadlok magpa-paltak bisan may edad na.
Amo man ini ang problema nga nakit-an sa probinsya sang Cebu sa Central Visayas rason nga naglunsar ang city government sang Lapu-Lapu sang “Operasyon Libreng Tuli” (Operation Free Circumcision).
Magluwas diri, may yara man sang gintanyag ang local government nga cash nga P10,000 sa pinaka-tigulang nga indibidwal nga magpapaltak sang Hunyo 21.
Diri kag wala na nagduha-duha si certain Alfredo, Jr., residente sang Barangay Basak. Nagpalapit ini sa staff kag nag-intra sa operasyon nga ginsaksihan mismo ni Lapu-Lapu Mayor Junard “Ahong” Chan.
Gintuman man sang alkalde ang promisa sini nga ihatag kay Alfredo ang cash.
Nagdangat naman sa 1,350 individuals ang nag-avail sang free circumcision nga ginpangunahan sang volunteer schools kag sang Department of Health-Central Visayas.
Madamo naman ang nagdayaw kag nagtawag kay Alfredo nga swerte bangud magluwas sa cash, ang nurse nga nag-assist sa operasyon amo si Binibining Lapu-Lapu 2023 Cheron Kisses Co.
May libre naman nga ice cream kag burgers nga ginhatag sa iban pa nga nagpapaltak kadungan sang amo nga programa sa Hoops Dome sa Barangay Gun-ob, Lapu-Lapu.
Ini ang may tema nga “Transforming lives, one cut at a time” nga gin-umpisahan sang city governmentsang Hunyo 14 kag may natalana nga isa pa ka Operation Tuli sa Hunyo 28 sa siyam ka areas sa amo nga syudad.
