ILOILO CITY – Nagdaog bilang Best Short Film ang pelikula nga himo sang mga Ilonggo filmmakers sa 2nd Refugee Film Festival.
Ini ang kadungan man sang pagsaulog sang United Nations High Commissioner for Refugees sang World Refugee Day.
Sa interview sang Bombo Radyo kay Cedrick Angelo Rico, director sang short film nga ‘Balsa sa Lawod’, iya ginpahayag ang pelikula ang himo sang Madyaas Production nga ginabug-usan sang mga estudyante kag alumni sang West Visayas State University.
Suno kay Rico, ang pelikula ang natuhoy sa kabuhi sang isa ka pamatan-on nga Badjao nga si Ismael bilang myembro sang Indigenous peoples (IP’s) sa Zamboanga.
Makit-an man sa pelikula ang ginhimo nga pagpalayas sa ila bangud sa pag-angkon sang ila teritoryo.
Apisar naglawig sang anom lang ka adlaw ang ila ginahimo nga pelikula, ginpabugal ni Rico nga nakahimo sila sang isa ka maayo nga istorya.
