ILOILO CITY- Nagalaum ang Department of Public Works and Highways Region 6 nga mahatagan sila sang Iloilo City Council sang resumption order agud mapadayon ang construction sang seawall sa Rizal Pala-Pala kag Tanza Bonifacio,IIoilo City Proper.
Sa interview sang Bombo Radyo kay Engr. Sanny Boy Oropel, director sang Department of Public Works and Highways Region 6, iya ginpahayag nga napaathag na niya sa konseho nga isa ka stand alone project kag indi isa ka reclamation project ang ginatukod nga seawall nga may P400-M nga pondo halin sa national government paagi sa General Appropriations Act for 2023.
Suno kay Oropel, mangin ang Philippine Reclamation Authority ang nag-athag nga indi nila kinahanglan mag-isyu sang clearance bangud indi ini isa ka reclamation activity.
Pahayag pa ni Oropel, kuntani ma-resume na ang civil works sa ginatukod nga seawall agud indi mauyang ang kwarta nga nagamit na sa pagtukod sini.
Dugang niya, katuyuan sang proyekto amo ang paghatag proteksyon sa pumuluyo kag propiedad sa kilid sang baybay sa amo nga mga lugar batok sa dalagko nga balod ilabi na subong nga tig-ululan kag sa tion nga may bagyo.
