ILOILO CITY- Imbestigaran sang Committee of the Whole sang Iloilo City Council ang presensya sang illegal immigrants sa syudad.
Ini matapos napasar ang ginduso nga resolution ni Councilor Romel Duron nga nagapanawagan sang investigation in aid of legislation sa presensya sang nasambit nga mga indibidwal sa Iloilo City.
Sa interview sang Bombo Radyo kay Duron, iya ginpahayag nga indi lamang ini para sa Chinese nationals kundi sa iban man nga illegal immigrants.
Suno kay Duron, nakabaton siya sang mga reports nga may mga subdivision sa siyudad nga halos mga Chinese nationals ang nagaistar.
Dugang pa sang konsehal, kinahanglan man nga i-check ang record sa mga illegal immigrants nga nagapatigayon sang iligal nga mga aktibidad.
Imbitaron naman sa patigayunon nga committee hearing ang iban nga ahensya sang gobyerno amo man ang homeowners associations sa mga subdivisions.
