ILOILO CITY- Pasado na sa Iloilo City Council ang ordinansa nga nagatukod sa Traffic and Transportation Management Office.
Sa interview sang Bombo Radyo kay Iloilo City Councilor Rex Sarabia, chairman sang Committee on Appropriations sa City Council, ginplastar niya ang importansya sang opisina nga responsable sa pag-manage sang sitwasyon sang trapiko sa siyudad.
Suno kay Sabaria, nakatalana nga isaylo ang pila ka plantilla position sang Public Safety and Transportation Management Office sa bag-o nga opisina.
Gin-islan naman ang pangalan sang Public Safety and Transportation Management Office (PSTMO) kag tawgon na ini nga Public Order and Safety Management Office (POSMO).
Magapabilin naman si Mr. Jeck Conlu nga pinuno sang Public Order and Safety Management Office.
Sa bahin naman sang Traffic and Transportation Management Office,ini ang pamunuan ni retired Police Colonel UIdarico Garbanzos bilang officer in charge.
