Naglab-ot sa 10 ka mga tawo ang napatay kag 40 ang missing bangud sa pagkatiphag sang duta sa iligal nga minahan sang bulawan sa Sulawesi Island sa Indonesia.
Natabo ini sa Suwawa district sa probinsya sang Gorontalo kun sa diin ang mga biktima amo ang mga manug-mina kag mga residente malapit sa lugar.
Masobra 160 ka mga personnel lakip ang national rescue team, police kag military personnel ang ginpadala para mag-rescue sa mga missing nga indibidwal.
Kagab-i, temporaryo pa nga gin-untat ang search operations suno sa disaster mitigation agency bangud sa mamunog nga pag-ulan.
Nahibaluan nga ang small-scale kag illegal mining amo ang flash point sang kumplikto kag mga aksidente kaangay sini sa Indonesia — ang pungsod kun sa diin ang mineral resources ang masami yara sa nabaw-ing gid kag protected forest areas nga indi halos ma-regulate sang gobyerno.
