ILOILO CITY- Nagahinulsol subong ang isa ka 55-anyos nga babaye sa Baguio City matapos nga gin-utod sini ang kinatawo sang iya 58-anyos nga bana gamit ang kitchen knife.
Sa interview sang Bombo Radyo sa suspek, iya ginpahayag nga wala niya nagustuhan ang pagmitlang sang bana sang pangalan sang ginapasuni “other woman” sini.
Suno sa iya, masami man ginadaman ang iya bana kun sa diin ginahinambit niya ang pangalan sang iya other woman rason nga labi pa gid nga naugot ang asawa.
Ginpahayag naman sang asawa nga magluwas nga nagaluib ang iya bana, ginasakit man siya sini.
Antes naman natabo ang insidente, nagpakighilawas pa ang mag-asawa kag didto na nakakita sang kahigayunan ang suspek nga utdon ang kinatawo sang biktima.
Preso naman subong ang suspek nga asawa samtang nagapaayo sa ospital ang biktima.
