Liwat nga napaslawan sa paghimo sang impresyon sa iya nga team ang Los Angeles Lakers rookie nga si Bronny James matapos nga nahulog sa match 0-3 ang ila team sa NBA Summer League play.
Si Bronny nga anak ni NBA all-time leading scorer LeBron James ang nagbutang sang pinakagamay nga mga tira sa tanan nga mga starter sang Lakers batok sa Miami Heat kag natapos nga may tatlo lang ka puntos sa 1-for-3 nga shooting halin sa field.
Ang iya bug-os nga stat line ang yara lamang sa tatlo ka puntos, lima ka rebounds, tatlo ka assists, duha ka steals, kag tatlo ka blocks nga nagtapos sa 80-76 nga kapierdihan sa Miami.
Ginpangunahan naman ang Lakers sang kaupod nga rookie nga si Dalton Knecht – nga nagtira sang 7-of-18 gikan sa field kag 2-for-8 halin sa 3-point range. Gintapos niya ang hampang nga may 20 puntos kag siyam ka rebounds.
Samtang, ang Heat ginpangunahan sang isa ka pares sang 21-puntos nga mga pasundayag halin kay Keshad Johnson kag Aldones Williams.
Gintapos naman ni Johnson ang hampang nga may 21 puntos, walo ka rebound, tatlo ka assist, tatlo ka steal, kag tatlo ka blocks.
Si Williams naman ang nakatapos nga may 21 puntos, siyam ka rebounds, tatlo ka assists, isa ka steal, kag duha ka blocks.
Sa subong, wala pa naka-impress si Bronny sa Summer League play – nga nakahampang lang sang duha sa tatlo ka mga hampang pagkatapos nga wala maintra sa ikaduha nga hampang bangud sa pagbanog sang iya nga tuhod.
Nahibaluan nga ang iya una nga hampang, ang isa ka kapierdihan sa Sacramento Kings, natapos sa pag-iskor ni Bronny sang apat ka puntos, duha ka rebound, duha ka assist, kag isa ka steal sa sulod sang 21 minutos.
