CREATOR: gd-jpeg v1.0 (using IJG JPEG v62), quality = 82

Ginbulgar ni Sen. Sonny Angara nga nag-resign ang pila ka mga officials sang Department of Education antes ang pagpungko sini sa pwesto bilang secretary sang ahensya.

Suno kay Angara, may mga nagpasa na sa resignation apang indi pa ini sigurado kun ano ang mga rangko kag ang mga rason.

Ginpahayag ni Angara nga indi pa siya makapagwa sang dugang nga kumento bangud wala pa niya nabasa ang mga dokumento.

“I’m not sure, but the news is, there are some who submitted their resignation, but I have yet to see their documents. I won’t comment on the issue yet because I’m still unaware of the positions that were vacated or who among the personnel have resigned.”

Ang resignation sang mga opisyal ang ginhimo pila ka adlaw antes ang schedule sang turn over ni outgoing DepEd secretary kag Vice President Sara Duterte sa DepEd Central Office.

Matandaan nga nag-file si Duterte sang iya resignation sang Hunyo 19 kay Presidente Ferdinand Marcos Jr., sa diin nasaad nga bakantehon sini ang iya opisina sa Hulyo 19 para sa smooth transition sang bag-o nga tiglikom.

Sa pihak sang pasalig ni Duterte nga magbulig ini sa transition, gin-ako ni Angara nga wala pa sila nakakit-anay sang bise presidente.

“Vice President Duterte and I haven’t met yet.”

Ginpahayag ni Angara nga plano sini nga makigkita kay Duterte sa Huwebes sa diin nagalaom ini nga maka-istorya sila kaangot sa pagpadalagan sa ahensya.

“Our turnover ceremony is on July 18 in the morning. That’s the notice given to us by Vice President Duterte’s office. My assumption would be the next day. I also need to take my oath of office.”

Samtang, gindugang man ni Angara nga nakigkita na siya sa mga education undersecretaries kag assistant secretaries sa diin gindiskusyunan sang mga ini sang mga pending items kag projects, kag mangin ang mga ginalauman sa pagbukas sang klase.

“There would be a short meeting and some conversations, and if there’s a chance, I will ask her for advice based on her experience. For the past two years, she was education secretary.”