ILOILO CITY-Ginapabugal gid sang pamilya Maderable sang Brgy. Dagami, Maasin, Iloilo nga may yara na nga myembro sang ila pamilya ang nakaangkon sang college diploma.
Matandaan nga nakilala ang pamilya Maderable bangud apat gid sa 11 ka mag-ulutod ang may yara sang dwarfism.
Tuman ang kalipay sang pamilya bangud subong nga adlaw mismo nakatapos sa kolehiyo ang 25-anyos nga si Marvin Maderable nga amo ang ikalima sa mag-ululutod kag isa sa ila nga may dwarfism.
Si Marvin ang nagtapos sa kurso nga Bachelor of Arts, Major in Theology sa GCEF College sa Cabatuan, Iloilo.
