𝗨𝗦𝗔 — Legal nga nag-ilis sang pangalan sa Literally Anybody Else ang isa ka lalaki sa Texas agud mag-aplay para sa isa ka partikular apang mabudlay makuha nga trabaho: Presidente sang Estados Unidos.
Ang 35-anyos nga beterano sang militar kag manunudlo sang matematika sa isa ka middle school nga kilala anay sa pangalan nga Dustin Ebey, ang nagdesisyon nga magapadalagan sa pagkapresidente sang Estados Unidos agod magprotesta sa mga kandidato sang mayor nga partido karon nga amo si Presidente Joe Biden sang Democratic Party kag si anay Presidente Donald Trump sang Republican Party kag ipakita ang iya pagkadisgusto para sa isa ka sistema nga ang iya website nagasiling nga “masami nga gina-una ang mga inaway sang mga partido sangsa matuod nga mga solusyon.”
Si Else ang nagpadalagan sang isa ka write-in campaihg sa Texas, sa diin wala niya makuha ang kinahanglanon nga 113,000 ka mga pirma agud makasulod sa balota, apang nagapaabot nga makita ang ngalan sa balota sang Tennessee, kon sa diin nagsiling siya nga nakuha niya ang kinahanglanon nga kantidad sang mga pirma.
Gin-athag an ni Else nga indi kinahanglan nga parte sa pagkuha sang atensyon ang iya mga reklamo, kundi parte sa paghatag sang lugar para sa bisan sin-o nga nagapaambit sining mga reklamo nga magtingob sa isa ka sentro nga punto.
Proud naman nga gin-anunsyo ni Else nga si Neal David Sutz, isa ka citizen sa New York nga nagapuyo subong sa Switzerland, ang iya mangin kaupod kag ka-tandem sa pagdalagan bilang presidente sang Estados Unidos sang Amerika.
