Nagsaka pa sa 7-0 ang malimpyo nga record sang Strong Group- Pilipinas sa 2024 William Jones Cup matapos sini gintambakan sang puntos ang Chinese Taipei-White, 96-70.
Nagpanguna sa team ang import nga si Chris McCullough nga may 25 points sa 10-of-13 free throw shooting, samtang ang veteran guard naman nga si Kiefer Ravena ang may yara sang 14 points.
Sa imbukada pa lang sang sambuwa, natilawan na sang kasumpong kun ano ka-seryoso ang Pilipinas nga mapadayon ang 20-5 nga lead apisar wala ang pila sa key players kaangay kanday Filipino center Ange Kouame, import Tajuan Agee, kag Gilas Pilipinas high-flyer nga si Rhenz Abando.
Matandaan nga sang nagligad nga hampang, wala man ang bisan sin-o nga naghampang sa tatlo ka players bangud sa injury kag pagmasakit apang ginlutos gihapon sang Strong Group-Pilipinas ang Japan U22.
Karon sa gab-i atubangon sang Pilipinas ang isa man ka undefeated team nga Chinese Taipei-A kag amo na lamang ang nabilin nga nagabalabag sa Strong Group nga mabulsa ang kampyonato sa Jones Cup subong nga tuig.
