Gin-anunsyo na ni US President Joe Biden nga indi na ini magdayon sa pag-pa-reelect bilang presidente sang Estados Unidos sang Amerika.
Ginpaguwa sang 81-anyos nga lider ini nga statement kasunod man sang mas nagatunog nga panawagan halin sa Democrat leaders nga mag-atras na ini sa presidential campaign para sa November 2024 elections.
Pahayag ni Biden, para sa “best interest” sang iya partido kag pungsod ang iya nga desisyon nga magtutok na lamang sa nabilin sini nga termino bilang presidente. Natalana man ini nga mag-atubang sa publiko kag maghatag sang speech kaangot diri.
“While it has been my intention to seek reelection, I believe it is in the best interest of my party and the country for me to stand down and to focus solely on fulfilling my duties as President for the remainder of my term,” pahayag sini sa X. “I will speak to the Nation later this week in more detail about my decision.”
Ginpasalamatan man sini si Vice President Kamala Harris sa pagpungko bilang “extraordinary partner”, kag sunod nga gin-endorso ang bise-presidente nga amo ang mangin nominee sang Democrats subong nga tuig.
“My very first decision as the party nominee in 2020 was to pick Kamala Harris as my Vice President,” dugang sini. “And it’s been the best decision I’ve made. Today I want to offer my full support and endorsement for Kamala to be the nominee of our party this year.”
Ang pag-withdraw ni Biden ang kasunod man sa nasaksihan sang kalibutan nga pigado nga performance sini sa presidential debate batok kay anay US President Donald Trump sang nagligad nga bulan. Sa amo nga debate nga naglawig sang 90 minutos, madumduman nga nagakalipat na si Biden sa mga inughambal sini kag masami nga wala na sang isugpon sa iya statement.
More on this shortly.
