ILOILO CITY- Ginpa-Bombo sang mga pumuluyo sang Brgy. Sinikway, Lapuz, Iloilo City ang baha nga ginatuga sang delay nga construction sang drainage system ilabi na subong nga tig-ululan.
Sa interview sang Bombo Radyo kay Punong Barangay Felix Ventura sang Sinikway, Lapuz, Iloilo City, iya ginpahayag nga mas madasig nga nagataas ang lebel sang baha sa ila lugar bangud sa palpak nga drainage.
Suno kay Ventura, may yara man sang pagatukuron nga condominium sa lugar kag ginaamat-amat tampukan ang duta nga ginailigan sang tubig.
Pahayag ni Ventura, kun indi ini mapangitaan sang paagi pat-ud nga mas mangin malawig pa ang ila pag-antos sa nagataas nga tubig-baha kun mag-ulan.
