MANILA — Ginpasalamatan ni self-proclaimed ‘designated survivor’ Vice President Sara Duterte ang iya mga kaalyado kag supporters nga nag-volunteer agud mangin kabahin sang iya security team matapos ginbawi ang 75 ka mga pulis nga na-assign sa iya.

Partikular sini nga ginpasalamatan amo sanday Senator Dela Rosa, Senator Bong Go kag Senator Robinhood Padilla.

“Nagpapasalamat ako kay Senador Dela Rosa, Senador Go at Senador Padilla, mga AFP at PNP personnel, sa mga kababaihan, at lahat ng ordinaryong mamamayan sa inyong pagtugon sa panawagan ni Senador Bato ng boluntaryong pagtulong para sa aking seguridad.”

Nahibaluan nga kahapon, nagpanawagan si Dela Rosa sa mga former Armed Forces of the Philippines (AFP) kag Philippine National Police (PNP) personnel nga mag-volunteer sa bise presidente.

Mangin ang suod nga abyan ni Duterte nga si presidential sister Senator Imee Marcos ang nagpanawagan man nga ibalik ang security detail sang bise presidente.

Gin-insulto pa sang senadora si PNP Chief Police General Francisco Rommel Marbil nga indi niya ini kilala.

“First, she is the 2nd highest elected official in the country whose safety must never be compromised. Second, she is a Duterte, who, like her father, is a staunch defender of law and order, hence topping the CPP-NPA’s order of battle.”

Ginpahayag naman sang bise presidente nga naintindihan niya nga delikado nga mangin isa ka public official, apang gin-athag sini nga wala sang dapat nga kahangaw-an ang iya mga supporters.

Ang ginapangayo lang sini sa iya mga supporters amo nga protektahan ang iya pamilya kag indi pagpasugtan ang sin-o man nga magpanakit sa ila.

“Isa lang ang hiling ko sa inyo — ang kaligtasan ng aking pamilya. Huwag ninyong payagan ang anumang karahasan sa aking ina, asawa at apat na anak, personal man o sa internet. At kung sakali man, huwag ninyong palampasin ang sinumang gagawa ng kapahamakan laban sa kanila.”

Una na nga gin-athag sang PNP chief nga ginbawi ang 75 ka police escorts sang bise presidente bangud gin-augment ang mga ini sa mga pulis sa National Capital Region.

Nagsabat naman si Duterte kag gintawag sini nga “political harassment” ang natabo kag gin-akusaran man sini si Marbil nga nagabutig.