ILOILO CITY-Ginpili ni Governor Arthur Defensor, Jr., si Police Colonel Bayani Razalan bilang director sang Iloilo Police Provincial Office (IPPO).
Si Razalan amo man ang nagaserbe nga ang officer-in-charge sang IPPO.
Sa interview sang Bombo Radyo kay Governor Defensor, iya ginpahayag nga nangin basehan niya sa pagpili kay Razalan amo ang mga previous records sini.
Nahibaluan nga magluwas kay Razalan, lakip man sa mga ginpilian ni Defensor amo sanday Police Colonel Giovanni Musico kag Police Colonel Ferdinand Navales nga lunsay mga opisyal man sang Police Regional Office 6.
Sa tion nga pormal na nga magpungko si Razalan, nagalaum si Defensor nga tutukan sang provincial director ang mga problema sa iligal nga mga aktibidad kaangay sang illegal gambling, illegal fishing kag illegal drug trade, amo man ang posible involvement sang mga foreign national sa mga indi maayo nga mga buluhaton sa Iloilo.
