Nabutang subong sa kontrobersiya ang pangalan sang Algerian boxer nga si Imane Khelif matapos naghampang sa Paris 2024 Olympics.
Nalutos ni Khelif ang Italian female boxer nga si Angela Carini sa ila hampang sa diin nagluhod ini kag naghibi samtang nagasiling nga subong lang gid siya nakabatyag sang kapareho nga mabaskog nga mga sumbag sa isa ka hinampang.
Apang, antes pa maglala ang mga transphobic propaganda, si Khelif ang napamatud-an nga ginbun-ag nga babaye kag indi lalaki, baliskad sa claim ni Carini kag sang iban pa nga mga kritiko sang Algerian boxer.
Suno sa Algeria Olympic Committee, si Khelif ang natural born female, apang may yara sang Disorder with Sex Development (DSD) nga rason kun nga may yara ini sang XY chromosomes kag mataas nga testosterone.
Ini ang rason kun nga na-disqualify siya sa 2023 IBA Women’s World Boxing Championship sa diin una na nga ginrason nga may yara ini sang medical issue.
Dugang pa, strictly prohibited ang transgender identity sa Algeria, ang pungsod nga ginatiglawas ni Khelif.
Buot silingon, indi mahimo nga magbag-o sang sex ukon gender, pisikal man, medical, ukon mangin sa mga legal nga dokumento ang mga pumuluyo sang Algeria.
Apang madamo ang nagahambal nga may advantage sa gihapon si Khelif bangud may yara ini sang mga male characteristics.
Nahibaluan nga indi tanan nga mga hampang sini sa women’s world boxing ang iya nadag-an humalin sang 2018.
