Yara lamang sa P725 million ang ginpain nga pondo para sa Philippine Sports Commission (PSC) sa idalom sang ginaduso nga 2025 national budget — mas manubo sang P431-million sa 1.156 billion nga budget subong nga tuig.
Kun basehan ang information nga accessible sa Department of Budget and Management website, nakapahat-pahat kun sa diin makadto ang pondo:
*P312.5 million para sa general administration and support
*P158.2 million para sa Amateur Sports Development Program
*P255 million para sa locally funded projects.
Sa P255 million nga locally funded projects, P175 million ang para sa preparation, training and participation para sa 2025 Southeast Asian Games sa Thailand; P56.7 million para sa 2025 Asian Winter Games sa Harbin, China; P11.27 million para sa 2025 Brunei-Indonesia-Malaysia-Philippines-Northern Territory-East Association of Southeast Asian Nations Growth Area (BIMPNT-EAGA) Games kag P11.97 million para sa Asian Youth Para Games.
Nahibaluan nga daku ang gin-nubo sini ipaanggid sa P752 million sa 2024 national budget bangud ang 2025 ang indi man tuig sang Olympics, Youth Olympics kag Paralympics.
Ang iban pa nga locally-funded projects sa idalom sang 2024 national budget nga wala nahatag sa idalom sang proposed 2025 budget amo ang:
Rehabilitation sang Rizal Memorial Sports Complex – P200 million
Rehabilitation kag upgrading sang Philsports Complex – P75 million
Philippine National Para Games – P10 million
Financial assistance sa athletes lakip na sa Community Sports Development, and Sports Activities – P174.2 million
Philippine National Anti-Doping Organization – P10 million
Preparation, training and participation in the Brunei-Indonesia-Malaysia-Philippines-Northern Territory-East Association of Southeast Asian Nations Growth Area (BIMPNT-EAGA) Games – P30 million
Indigenous Peoples Games – P10 million
Support sa Volleyball Nations League 2024 hosted by the Philippines – P80 million
Support sa Volleyball World Beach Pro Tour Challenge hosted by the Philippines – P10 million
Reserved Officers Training Corps Games – P65.91 million
Support sa Samahang Kickboxing ng Pilipinas – P5 million
Nahibaluan nga luwas sa P725 million allocation sa idalom sang proposed 2025 budget, mahimo magamit sang PSC ang National Sports Development Fund sandig sa nakasaad sa PSC law.
Nahibaluan nga nakaagaw-atensyon man ini nga budget samtang nagapadayon subong ang Olympics kun sa diin naka-back-to-back gold medal si Carlos Yulo sa duha ka magkasunod nga adlaw sa artistic gymnastics.
Sigurado naman sang bronze medals ang female boxers nga sanday Nesthy Petecio kag Aira Villegas kag madamo sang iban pa na atleta ang natalana pa na mag-compete sa masunod nga mga inadlaw.
