Nangin makahalawat-hawat ang pagtakop sang kampanya sang Pilipinas sa Paris Olympics 2024 matapos diutayan lang makabulsa sang medalya ang Filipina golfer nga si Bianca Pagdanganan.
Rank no.125 sa Ladies Professional Golf Association (LPGA) si Pagdanganan apang diutayan lang naghimo sang upset sang nagpang-apat ini sa women’s individual stroke play nga daku nga paglukso halin sa ika-43 sini nga pwesto sa iya Olympic debut sa Tokyo 2020.
Impresibo nga 6-under par total ang na-rekord sang 26-anyos nga golfer sa kumpetisyon kag naka-pungko pa sa ikatatlo nga pwesto antes ang birdie sang China sa final hole nga amo ang naghatag sang third spot sa Chinese golfer nga si Xiyu Lin.
Nakuha ni Lydia Ko sang New Zealand ang gold samtang si Esther Henseleit sang Germany ang silver medalist.
Naghilibion man si Pagdanganan pagkatapos sang hampang bangud gusto gid kuntani sini nga mabutang ang pangalan sang Pilipinas sa podium sa labing-una nga tion sa golf kag sa katapusan nga tion para sa delegasyon sang pungsod sa Paris Games.
Ang isa pa ka golfer nga si Dottie Ardina ang nagtapos man sa iya una nga Olympics stint sa T13 kaupod sa apat ka iban pa nga golfers nga may total nga 3-under 285.
Ang pagsulod nila nga duha sa top 15 sang women’s individual stroke play amo na ang pinakamaayo nga resulta sang Pilipinas sa golf sa Olympiada.
Ang Pilipinas lamang kag ang China ang may duha ka players nga nag-abanse sa Top 15 sa 25 ka mga nasyon nga palareho nga may multiple entries.
Naputos man sa kontrobersiya ini nga hampang bangud wala sang official uniforms ang duha ka golfers — bagay nga ginbasol sang publiko sa Philippine Olympic
