ILOILO CITY- Nagpanugyan ang chairman sang Committee on Engineering sang Iloilo City Council kay Iloilo City District Engineering Office Engineer Roy Pacanan nga mas maayo nga personal ini nga magtambong sa ginapatawag ng committee hearing sa konseho.
May kaangtanan ini sa pila ka mga ongoing infrastructure projects sa syudad kun sa diin may yara sang mga ginkwestyon nga proyekto bangud sa kakulang sa nagakaigo nga papeles.
Sa interview sang Bombo Radyo kay Councilor Johnny Young, iya ginpahayag nga indi man malain nga may ginapadala nga tiglawas ang opisina apang mas maayo nga si Pacanan mismo ang makabati kag makatugda sa mga topiko nga ginaistoryahan sa hearing.
Suno kay Young, indi man imposible nga lain ang impormasyon nga ginapalab-ot kay Pacanan sang mga tiglawas sang opisina nga nagatambong sa hearing.
Matandaan nga gindeklarar ni Mayor Jerry Treñas si Pacanan bilang persona non grata bangud sa ginaalegar sang alkalde nga indi pagpakita sang respeto sa iya sang District Engineer.
